“ສ້າງເມືອງສີສັດຕະນາກ ໃຫ້ເປັນເມືອງທີ່ມັ່ງຄັ້ງເຂັ້ມແຂງ, ຮັ່ງມີ ຜາສຸກ, ມີຄວາມສະຫງົບ, ໜ້າຢູ່, ວັດທະນາທຳລ້ຳຄ່າ, ປະຊາຊົນປອງດອງ”

ຈຳນວນຜູ້ເຂົ້າຊົມ

04970
ມື້ນີ້
ມື້ວານນີ້
ອາທິດນີ້
ອາທິດກ່ອນ
ເດືອນນີ້
ເດືອນກ່ອນ
ລວມທັງໝົດ
19
30
62
4634
49
1056
4970

ດາວໂຫລດ

ແບບຟອມຕ່າງໆ

ໂປຣແກຣມ

ເຊື່ອມຕໍ່ກັບເວັບໄຊອຶ່ນ

weblink2

16106055 387535888261610 3968711352093581087 n

13 ຫົວໜ່ວຍທຸລະກິດຈາກ 10 ແຂວງ ແລະບັນດາຫົວໜ່ວຍຈາກນະຄອນຫຼວງວຽງຈັນ ຈຳນວນ 175 ຫ້ອງວາງສະແດງໄດ້ເຂົ້າຮ່ວມງານວາງສະແດງຜະລິດຕະພັນເຟີນີເຈີໄມ້ລາວ ຄັ້ງທີ 3 ປະຈຳປີ 2017 (3rd Lao Wood Furniture Fair 2017) ໃນລະຫວ່າງວັນທີ 9-15 ມັງກອນ 2017 ຢູ່ສູນການຄ້າ ລາວ-ໄອເຕັກ ພິທີໄຂງານດັ່ງກ່າວເປັນທາງການໄດ້ຈັດຂຶ້ນແຕ່ວັນທີ 9 ມັງກອນ 2017 ໂດຍມີທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນພ້ອມດ້ວຍບັນດາລັດຖະມົນຕີ ຮອງລັດຖະມົນຕີ ທູດ-ທູຕານຸທູດ ແລະແຂກຖືກເຊີນເຂົ້າຮ່ວມທ່ານ ຄຳໄພ ສົມຊະນະປະທານສະມາຄົມເຟີນີເຈີລາວ (ສຟລ) ໄດ້ກ່າວວ່າ: ງານວາງສະແດງຄັ້ງນີ້ມີຄວາມໝາຍສຳຄັນຢ່າງຍິ່ງຕໍ່ການຈະເລີນເຕີບໂຕຂອງຂະແໜງເຟີນີເຈີ.

ພວກເຮົາຮູ້ສຶກພາກພູມໃຈທີ່ໄດ້ເຕົ້າໂຮມບັນດາຜະລິດຕະພັນເຟີນີເຈີທີ່ເປັນຫົວຄິດປະດິດສ້າງຂອງຄົນລາວເຂົ້າມາໂຮມກັນ ເພື່ອໂຄສະນາ ແລະ ວາງຈຳໜ່າຍຕໍ່ຊາວລາວ ແລະ ຊາວຕ່າງປະເທດໃຫ້ໄດ້ຮັບຮູ້ເຖິງຄວາມພ້ອມຂອງຜະລິດຕະພັນເຟີນີເຈີໄມ້ລາວເພື່ອແຂ່ງຂັນກັບພາກພື້ນ ແລະ ສາກົນ ສົ່ງເສີມໃຫ້ຜູ້ປະກອບການໄດ້ມີໂອກາດແລກປ່ຽນບົດຮຽນ ປະສົບການດ້ວຍກັນ ແລະນຳເອົາບົດຮຽນດັ່ງກ່າວໄປປັບໃຊ້ເຂົ້າໃນຂະບວນການຜະລິດບໍລິການຂອງເຂົາເຈົ້າໃຫ້ເກີດດອກອອກຜົນ. ທ່ານ ກອງມາລາ ພົມມາໄລຮອງປະທານ ສຟລ ກໍ່ໄດ້ກ່າວວ່າ: 3rd Lao Wood Furniture Fair 2017 ຈັດຂຶ້ນເພື່ອເຮັດໃຫ້ການຈັດຕັ້ງປະຕິບັດຄຳສັ່ງເລກທີ 15/ນຍປາກົດຜົນເປັນຈິງ ແລະ ໄດ້ຮັບຜົນສຳເລັດຕາມຄາດໝາຍເພື່ອເປັນການອະນຸຮັກຮັກສາປ່າໄມ້ ນຳໃຊ້ໄມ້ໃຫ້ເກີດປະໂຫຍດສູງສຸດແລະ ມີໄມ້ໄວ້ໃຊ້ຢ່າງຍືນຍົງໂດຍການປຸງແຕ່ງໃຫ້ເປັນຜະລິດຕະພັນສຳເລັດຮູບມາຈາກໄມ້ຫວາຍ ແລະໄມ້ປ່ອງ ໃຫ້ມີຫຼາຍຜະລິດຕະພັນ ຕາມຄວາມຕ້ອງການຂອງສັງຄົມໂດຍການໃຊ້ເຕັກໂນໂລຊີທີ່ທັນສະໄໝທັງເປັນການສ້າງມູນຄ່າເພີ່ມໃຫ້ຜະລິດຕະພັນເຟີນີເຈີໄມ້ລາວກາຍເປັນສິນຄ້າທີ່ມີຄຸນະພາບ ແລະ ລາຄາສູງຕອບສະໜອງຕາມຄວາມຕ້ອງການຂອງລູກຄ້າທັງພາຍໃນ ແລະ ຕ່າງປະເທດນອກນີ້ຍັງເປັນການສ້າງວຽກເຮັດງານທຳໃຫ້ກັບປະຊາຊົນ ແລະຊ່ວຍໃຫ້ຫຼຸດພົ້ນອອກຈາກຄວາມທຸກຍາກ ຕາມນະໂຍບາຍຂອງພັກ ແລະລັດຖະບານວາງອອກ ພາຍໃນງານຄາດວ່າຈະມີມູນຄ່າການຈໍລະຈອນສິນຄ້າປະມານ 40 ຕື້ກີບ ແລະ ຈະມີການຊື້-ຂາຍສິນຄ້າໄດ້ປະມານ 80% ພິເສດຍັງຈະມີການສາທິດການແກະສະຫຼັກໄມ້ ການເດີນແບບ ນອກນີ້ ໃນວັນທີ 12 ມັງກອນຍັງຈະມີການສະແດງສິລະປະຈາກນັກຮ້ອງຮັບເຊີນຈາກປະເທດໃກ້ຄຽງອີກດ້ວຍ.

ຂໍ້ມູນຈາກ: www.vientianecity.gov.la