“ສ້າງເມືອງສີສັດຕະນາກ ໃຫ້ເປັນເມືອງທີ່ມັ່ງຄັ້ງເຂັ້ມແຂງ, ຮັ່ງມີ ຜາສຸກ, ມີຄວາມສະຫງົບ, ໜ້າຢູ່, ວັດທະນາທຳລ້ຳຄ່າ, ປະຊາຊົນປອງດອງ”

ຈຳນວນຜູ້ເຂົ້າຊົມ

30946
ມື້ນີ້
ມື້ວານນີ້
ອາທິດນີ້
ອາທິດກ່ອນ
ເດືອນນີ້
ເດືອນກ່ອນ
ລວມທັງໝົດ
3
114
257
29565
2310
1552
30946

ດາວໂຫລດ

ແບບຟອມຕ່າງໆ

ໂປຣແກຣມ

ເຊື່ອມຕໍ່ກັບເວັບໄຊອຶ່ນ

weblink2

IMG20181011140808ໃນ​ວັນ​ທີ 11 ຕຸລາ 2018 ເມືອງ​ສີ​ສັດຕະ​ນາກ​ໄດ້​​ຈັດພິທີສະເຫລີມສະຫລອງວັນເຄຫາສະຖານໂລກ ຄົບຮອບ 33 ປີ ໃນຫົວຂໍ້: ການຄຸ້ມຄອງຂີ້ເຫຍື້ອໃນຕົວເມືອງ ເຊິ່ງຈັດ​ຂື້ນ​ທີ່ເດີ່ນ ໂຮງຮຽນ ມັດທະຍົມຕອນປາຍ ສີສັດຕະນາກ ພາຍ​ໃຕ້ການ​ເປັນ​ປະທານຂອງທ່ານ ​ໂພ​ຄຳ ​ໄຊ​ຍະ​ສອນ ກຳມະການ​ພັກ ນະຄອນຫລວງ​ວຽງ​ຈັນ, ​ເລຂາ​ພັກ​ເມືອງ, ​ເຈົ້າ​ເມືອງສີສັດຕະ​ນາກ ໂດຍໃຫ້ກຽດເຂົ້າເປັນປະທານຮ່ວມໂດຍທ່ານ ລາດຊະນີວົງ ອະມາຣາທິທາດາ ຄະນະປະຈໍາພັກ, ປະທານກວດກາພັກ, ຫົວໜ້າພະແນກກວດກາລັດ ແລະ ຕ້ານການສໍ້ລາດບັງຫລວງ ແລະ ເປັນຜູ້ຊີ້ນຳເມືອງສີສັດຕະນາກມີຄະນະ​ປະຈຳ​ພັກ​ເມືອງ, ໄດ້ມີຄະນະພັກ​ເມືອງ, ຫົວໜ້າຫ້ອງການອ້ອມຂ້າງ, ນາຍບ້ານ, ພະນັກງານຄູ-ອາຈານ ແລະ ນ້ອງນັກຮຽນເຂົ້າຮ່ວມຢ່າງເປັນຂະບວນພົດພື້ນ.

 

ການສະເຫຼີມສະຫຼອງວັນເຄຫາສະຖານໂລກໃນປີນີ້ ແມ່ນຢູ່ພາຍໃຕ້ຄໍາຂວັນ ທີ່ວ່າ: « ການຄຸ້ມຄອງຂີ້ເຫຍື້ອໃນຕົວເມືອງ », ຊຶ່ງເປັນຄໍາຂວັນທີ່ລຽບງ່າຍ ແຕ່ເຕັມໄປດ້ວຍຄວາມໝາຍທີ່ສໍາຄັນຍິ່ງເພາະ ມັນຕິດພັນກັບພັນທະຂອງອົງ ການສະຫະປະຊາຊາດ ເພື່ອທີ່ພັກອາໃສທີ່ຈະຕ້ອງສົ່ງເສີມການຈັດຕັ້ງປະຕິບັດນະໂຍບາຍການພັດທະນາຕົວເມືອງແບບຍືນຍົງແນໃສ່ ຮັບປະກັນໃຫ້ທຸກຄົນໄດ້ມີທີ່ຢູ່ອາໃສທີ່ເໝາະສົມ ແລະ ຖືກຫຼັກສຸຂະນາໄມ.

ໃນພິທີດັ່ງກ່າວ ຍັງໄດ້ເຊີນບັນດາຫ້ອງການທີ່ຕິດພັນກັບ ການຈັດສັນຄວາມເປັນລະບຽບຮຽບຮ້ອຍໃນຕົວເມືອງ ຂື້ນລາຍງານງານສະພາບການ ໃນການຈັດຕັ້ງປະຕິບັດຈົວຈິງໃຫ້ໄດ້ຮັບຮູ້.

ໃນຕອນທ້າຍ ທ່ານ ລາດຊະນີວົງ ອະມາຣາທິທາດາ ໄດ້ປະກອບຄຳເຫັນເພື່ອຜັນຂະຫຍາຍເນື້ອໃນຄຳຂວັນທີ່ວ່າ: « ການຄຸ້ມຄອງຂີ້ເຫຍື້ອໃນຕົວເມືອງ »ໃຫ້ເປັນຮູບປະທໍາແລະມີໝາກຜົນຕົວຈິງ ໃຫ້ພໍ່ແມ່ປະຊາຊົນບັນດາເຜົ່າ, ທຸກຊັ້ນຄົນ, ທຸກພາກສ່ວນເສດຖະກິດ, ອຳນາດການປົກຄອງທຸກຂັ້ນແລະ ພາກສ່ວນທີ່ກ່ຽວຂ້ອງຈົ່ງໄດ້ເອົາໃຈໃສ່ຜັນຂະຫຍາຍແລະຈັດຕັ້ງປະຕິບັດມະຕິຂອງກອງປະຊຸມໃຫຍ່ ຄັ້ງທີ X ຂອງພັກກ່ຽວກັບການພັດທະນາຕົວເມືອງແບບຍືນຍົງໃຫ້ກາຍເປັນພຶດຕິກຳຕົວຈິງ, ຄົ້ນຄວ້າປັບປຸງສິ່ງແວດລ້ອມຕົວເມືອງຢູ່ນະຄອນຫຼວງ, ບັນດາຕົວເມືອງນະຄອນ, ເທດສະບານແຂວງ, ເທດສະບານເມືອງ ຕະຫຼອດຮອດຕົວເມືອງນ້ອຍຢູ່ຊົນນະບົດໃຫ້ມີຄວາມສວຍງາມ, ສີຂຽວ, ສະອາດ, ສະຫງົບ, ປອດໄພແລະໜ້າຢູ່. ມີການຈັດສັນທີ່ຢູ່ອາໃສຢ່າງເໝາະສົມ, ມີລະບົບການຂົນສົ່ງທີ່ສະດວກສະບາຍ, ມີລະບົບສຸຂາພິບານທີ່ຖືກຫຼັກສຸຂະອະນາໄມ; ຮັບປະກັນຄຸນນະພາບຊີວິດຂອງປະຊາຊົນໃນຕົວເມືອງໃຫ້ໄດ້ຕາມເປົ້າຫມາຍການພັດທະນາແບບຍືນຍົງ.IMG20181011140940IMG20181011150321IMG20181011140824

 

ພາບ ແລະ ຂ່າວ: ປະສິດ ຊົມວິມານ