“ສ້າງເມືອງສີສັດຕະນາກ ໃຫ້ເປັນເມືອງທີ່ມັ່ງຄັ້ງເຂັ້ມແຂງ, ຮັ່ງມີ ຜາສຸກ, ມີຄວາມສະຫງົບ, ໜ້າຢູ່, ວັດທະນາທຳລ້ຳຄ່າ, ປະຊາຊົນປອງດອງ”

ຈຳນວນຜູ້ເຂົ້າຊົມ

37308
ມື້ນີ້
ມື້ວານນີ້
ອາທິດນີ້
ອາທິດກ່ອນ
ເດືອນນີ້
ເດືອນກ່ອນ
ລວມທັງໝົດ
6
43
195
36716
1062
2266
37308

ດາວໂຫລດ

ແບບຟອມຕ່າງໆ

ໂປຣແກຣມ

ເຊື່ອມຕໍ່ກັບເວັບໄຊອຶ່ນ

weblink2

IMG 20181001 WA0015ໃນ​ວັນ​ທີ 01 ຕຸລາ 2018 ເມືອງ​ສີ​ສັດຕະ​ນາກ​ໄດ້​​ເປີດ​ກອງ​ປະຊຸມ ກາ​ນຊີ້​ນຳ-ນຳພາວຽກງານຮອບດ້ານ​ຄົບ​ຄະນະ​ບໍລິຫານ​ງານ​ພັກ​ເມືອງ ສີ​ສັດຕະ​ນາກ ປະຈຳ​ໄຕຼ​ມາດ III ​ແລະ ທິດ​ທາງ​ແຜນການ​ໄຕຼມາດ IV ຄັ້ງ​ທີ 15 ສະ​ໄໝທີ VI ​​ເຊິ່ງຈັດ​ຂື້ນ​ທີ່​ຫ້ອງ​ປະ​ຊຸມ​ສຳນັກງານ​ປົກຄອງ​ເມືອງ​ສີ​ສັດຕະ​ນາກ ພາຍ​ໃຕ້ການ​ເປັນ​ປະທານຂອງ​ສະຫາຍ ​ໂພ​ຄຳ ​ໄຊ​ຍະ​ສອນ ກຳມະການ​ພັກ ນະຄອນຫລວງ​ວຽງ​ຈັນ, ​ເລຂາ​ພັກ​ເມືອງ, ​ເຈົ້າ​ເມືອງສີສັດຕະ​ນາກ, ມີຄະນະ​ປະຈຳ​ພັກ​ເມືອງ, ຄະນະພັກ​ເມືອງ, ຫົວໜ້າ​ຫ້ອງການ ​ແລະ ສະຫາຍເລຂາພັກບ້ານ ທົ່ວ​ເມືອງ ເຂົ້າ​ຮ່ວມ​ທັງໝົດ 108 ສະຫາຍ, ຍິງ 15 ສະຫາຍ.

 

 

IMG 20181001 WA0013ສະຫາຍ ບຸນ​ເມກ ວິ​ໄລ​​ແສງ  ຮອງ​ເລຂາ​ພັກ​ເມືອງ, ຮອງເຈົ້າເມືອງ ​ສີ​ສັດຕະ​ນາກ ​ໄດ້​ຂື້ນ​ຜ່ານ​ບົດ​ສະຫລຸບ ປະຈຳໄຕຼມາດ III ​ແລະ ​ທິດ​ທາງ​ແຜນການ​ໄຕຼມາດ IV ​ເຊິ່ງ​ໃນກອງ​ປະຊຸມ​ໃດ້ຍົກ​ໃຫ້​ເຫັນ​ໃນ​ໄລຍະ​ຜ່ານ​ມາ ທົ່ວ​ເມືອງ​ສີສັ​ດຕະນາກ ມີ​ປະກົດ​ການ​ຫຍໍ້​ທໍ້​ເກີດ​ຂື້ນ 112 ​ເລື່ອງ, ສາມາດ​ມ້າງ​ໄດ້ 27 ​ເລື່ອງ, ກັກ​ຕົວ 48 ຄົນ, ຍິງ 09 ຄົນ, ຄະດີ​ທີ່​​​ເດັ່ນ​ກວ່າໝູ່​ແມ່ນ ຄະດີລັກ​ຊັບ​ພົນລະ​ເມືອງ 85 ​ເລື່ອງ ໃນນີ້ລັກລົດຈັກ 55 ເລື່ອງ ສາມາດແກ້ໄດ້ 16 ເລື່ອງ, ກັກຕົວ 29 ຄົນ, ​ ໃນ​ວຽກ​ງານ​ເສດຖະກິດ ​ເມືອງ​ເຮົາ​ໄດ້ສຸມ​ໃສ່​ເກັບ​ລາຍ​ຮັບ​ເຂົ້າ​ງົບປະມານ​ແຫ່ງ​ລັດຢ່າງ​ຕັ້ງໜ້າ ​ເພື່ອ​ເຮັດ​ໃຫ້​ບັນລຸ​​ໂຕ​ເລກ​ຄາດໝາຍ ​ເຊິ່ງພວກ​ເຮົາ​ສາມາດ​ປະຕິບັດ​ໄດ້​ຕົວ​ຈິງ​ມາ​ຮອດ​ວັນ​ທີ 27 ກັນຍາ 2018 ​ເກັບ​ໄດ້​ເປັນ​ເງີ​ນຈຳນວນ​ທັງໝົດ 38,452,805,747 ກີບ ​ເທົ່າ​ກັບ 67,53% ຂອງ​ແຜນການ​ປີ, ​ໃນ​ນັ້ນ ​ໄດ້​ຮັບ​ຈາກ ສ່ວຍ​ສາ​ອາກອນ 35,316,997,196 ກີບ, ​ເທົ່າ​ກັບ 70,94%, ທີ່​ດິນ 2,983,479,551 ກີບ, ​ເທົ່າ​ກັບ 42,57%, ​ແລະ ຊັບ​ສິນ 197,329,000 ກີບ, ​ເທົ່າ​ກັບ 93,97%, ລາຍຈ່າຍປະຕິບັດໄດ້ 17,086,791,619 ກີບ ​ເທົ່າ​ກັບ 70,23% ຂ​ອງ​ແຜນການ​ປີ ແລະ ດຸ່ນໃຫ້ນະຄອນຫລວງວຽງຈັນ 19,116,306,394 ກີບ, ວຽກງານແຜນການ-ການລົງທຶນ ໄດ້ຮັບແຜນການລົງທຶນຂອງລັດ ປີ 2018 ລວມມູນ​ຄ່າ 1,339,600,000 ກີບ ມີ 16 ໂຄງການຄື: ​ໂຄງການ​ສືບຕໍ່​ມີ 11 ​ໂຄງການ ​ໃນ​ນັ້ນ​ມີ​ໂຄງການ​ກໍ່ 4 ​ໂຄງການ, ​ໂຄງການ​ສົ່ງ​ເສີມ​ວິຊາ​ການ 7 ​ໂຄງການ ​ແລະ ​ໂຄງການ​ສະ​ເໜີ​ໃໝ່ມີ 5 ​ໂຄງການ ​ໃນ​ນັ້ນ​ມີ​ໂຄງການ​ກໍ່ 3 ​ໂຄງການ, ​ໂຄງການ​ສົ່ງ​ເສີມ​ວິຊາ​ການ 2 ​ໂຄງການ ​ແລະ ​ໄດ້​ຮັບ​ແຜນ​ຊຳລະ​ໜີ້​ໂຄງການ​ລົງທຶນ​ຂອງ​ລັດ ປີ 2018 ລວມ​ເປັນ​ເງິນ 700,000,000 ກີບ ຈຳນວນ 5 ​ໂຄງການ.

ນອກ​ນີ້​ຍັງ​ຮັບ​ຟັງ​ການ​ເຊື່ອມ​ຊຶມ ​ເອກະສານ​ມະຕິ 6 ສະ​ໄໝທີ X ຂອງ​ສູນ​ກາງ​ພັກ ​ໂດຍ​ສະຫາຍ ດາ​ວັນ​ທົນ​ນະ​ວົງສາ ຄະນະ​ປະຈຳ​ພັກ​ເມືອງ, ຮອງ​ເຈົ້າ​ເມືອງ​ສີສັ​ດຕະນາກ.

​ໃນ​ຕອນ​ທ້າຍ​ຂອງ ກອງ​ປະຊຸມ ກາ​ນຊີ້​ນຳ-ນຳພາວຽກງານຮອບດ້ານ​ຄົບ​ຄະນະ​ບໍລິຫານ​ງານ​ພັກ​ເມືອງ ສີ​ສັດຕະ​ນາກ ປະຈຳ​ໄຕຼ​ມາດ III ຄັ້ງ​ທີ 15 ສະ​ໄໝທີ VI ​ໄດ້​ເຫັນ​ດີ​ເປັນ​ເອກະ​ພາບ​ກັນ​ຕໍ່​ບົດ​ລາຍ​ງານ​ການຈັດ​ຕັ້ງ​ແຜນ​ພັດທະນາ​ເສ​ດຖະກິດ-ສັງ​ຄົມ ພ້ອມ​ທັງ​ຕີ​ລາຄາ​ໃສ່​ວຽກ​ງານ​ຕົວ​ຈິງ​ໃນ​ໄລຍະ ​ໄຕຼມາດ III ຜ່ານ​ມາ​ຢ່າງ​ມີ​ຈຸດ​ສຸມ.IMG 20181001 WA0015IMG 20181001 WA0002

ຂ່າວ: ປະສິດ ຊົມວິມານ

ພາບ: ສຸວັນທອງ ສະເໜ່ຫາ