“ສ້າງເມືອງສີສັດຕະນາກ ໃຫ້ເປັນເມືອງທີ່ມັ່ງຄັ້ງເຂັ້ມແຂງ, ຮັ່ງມີ ຜາສຸກ, ມີຄວາມສະຫງົບ, ໜ້າຢູ່, ວັດທະນາທຳລ້ຳຄ່າ, ປະຊາຊົນປອງດອງ”

ຈຳນວນຜູ້ເຂົ້າຊົມ

26700
ມື້ນີ້
ມື້ວານນີ້
ອາທິດນີ້
ອາທິດກ່ອນ
ເດືອນນີ້
ເດືອນກ່ອນ
ລວມທັງໝົດ
32
49
214
26167
926
1243
26700

ດາວໂຫລດ

ແບບຟອມຕ່າງໆ

ໂປຣແກຣມ

ເຊື່ອມຕໍ່ກັບເວັບໄຊອຶ່ນ

weblink2

IMG 20180704 WA0012ໃນ​ວັນ​ທີ 29 ມີຖຸນາ 2018 ເມືອງ​ສີ​ສັດຕະ​ນາກ​ໄດ້​​ເປີດ​ກອງ​ສະຫລຸບວຽກງານ ຫັນລົງກໍ່ສ້າງຮາກຖານ ຕິດພັນກັບວຽກງານ 3 ຫລຸດ 3 ເພີ່ມ ແລະ 3 ຂະບວນການ ຂອງເມືອງສີສັດຕະນາກ ໄລຍະ 6 ເດືອນຕົ້ນປີ 2018 ​​ເຊິ່ງຈັດ​ຂື້ນ​ທີ່​ຫ້ອງ​ປະຊຸມ​ສຳນັກງານ​ປົກຄອງ​ເມືອງ​ສີາດຕະນາກ ພາຍ​ໃຕ້ການ​ເປັນ​ປະທານຂອງ​ທ່ານ ​ໂພ​ຄຳ ​ໄຊ​ຍະ​ສອນ ກຳມະການ​ພັກ ນະຄອນຫລວງ​ວຽງ​ຈັນ, ​ເລຂາ​ພັກ​ເມືອງ, ​ເຈົ້າ​ເມືອງສີສັດຕະ​ນາກ, ມີຄະນະ​ປະຈຳ​ພັກ​ເມືອງ, ຄະນະພັກ​ເມືອງ, ໂດຍເປັນກຽດເຂົ້າຮ່ວມຂອງທ່ານ ລາດຊະນີວົງ ອະມາຣາທິທາດາ ຄະນະປະຈໍາພັກ, ປະທານກວດກາພັກ, ຫົວໜ້າພະແນກກວດກາລັດ ແລະ ຕ້ານການສໍ້ລາດບັງຫລວງ ແລະ ເປັນຜູ້ຊີ້ນຳເມືອງສີສັດຕະນາກ ໄດ້ມີຫົວໜ້າ​ຫ້ອງການອ້ອມຂ້າງ, ພະນັກງານກໍ່ສ້າງຮາກຖານຕາມວິຊາສະເພາະ ​ແລະ ນາຍບ້ານ 37 ທົ່ວ​ເມືອງ.

 

ທ່ານ ພອນ​ສິນ​ ສາ​ວະລີ ຫົວໜ້າ​ຫ້ອງ​ວ່າການ​​ເມືອງ​ສີ​ສັດຕະ​ນາກ ​ໄດ້​ຂື້ນ​ຜ່ານ​ບົດ​ສະຫລຸບວຽກງານ ຫັນລົງກໍ່ສ້າງຮາກຖານ ຕິດພັນກັບວຽກງານ 3 ຫລຸດ 3 ເພີ່ມ ແລະ 3 ຂະບວນການ ຂອງເມືອງສີສັດຕະນາກ ໄລຍະ 6 ເດືອນຕົ້ນປີ 2018

ວຽກງານ 3 ຫລຸດ: 1. ຫລຸດຜ່ອນບັນຫາຢາເສບຕິດ ສາມາດມ້າງຄະດີຂາຍ ແລະ ມົວສຸມຢາເສບຕິດ 36 ລາຍ, ກັກຕົວ 53 ຄົນ, ຍິງ 07 ຄົນ ສາມາດຢຶດຂອງກາງ ຢາບ້າໄດ້ 22,132 ເມັດ 2. ຫລຸດຜ່ອນອຸປະຕິເຫດຕາມທ້ອງຖະໜົນ ແລະ ຄວາມແອອັດ ໄດ້ສຸມໃສ່ລະບາຍການສັນຈອນຕາມເສັ້ນທາງສາມແຍກ, ສີ່ແຍກ ແລະ ເສັ້ນທາງທີ່ມີຄວາມສັບສົນ ໃນຊົ່ວໂມງເຂົ້າການ-ເລີກການ ໃຫ້ມີຄວາມສະດວກຫລຸດຜ່ອນຄວາມແອອັດ. 3. ຫລຸດຜ່ອນ ແລະ ຕ້ານອັກຄີໄພ ລົງໂຄສະນາວຽກງານປ້ອງກັນ ແລະ ສະກັດກັ້ນອັກຄີໄພ ພ້ອມກັນນັ້ນກໍ່ໄດ້ກວດກາການນຳໃຊ້ບັ້ງມອດໄຟສຳເລັດ 03 ບ້ານ ມີບັ້ງມອດໄຟ 151 ບັ້ງ, ຍັງບໍ່ມີ 190 ບັ້ງ.

ວຽກງານ 3 ເພີ່ມ: 1. ເພີ່ມລາຍຮັບ ໄດ້ສຸມໃສ່ລົງກວດກາໄລ່ລຽງເກັບລາຍຮັບນຳບັນດາຫົວໜ່ວຍທຸລະກິດ ທີ່ມີລາຍຮັບເກີນ 400 ລ້ານກີບ/ປີ ເສຍອາກອນແບບມອບເໝົາ ສຳລັບ​ປີ 2018 ​ແຜນການ​ຈັດ​ເກັບ​ລາຍ​ຮັບ​ຂອງ​ເມືອງ​ຕາມ​ຕົວ​ເລກຂອງນະຄອນຫຼວງວຽງ ຈັນມອບໃຫ້ 56.896.370.000ກີບ, ມາຮອດວັນທີ 21/06/2018 ເກັບໄດ້ແລ້ວ 19.7 ຕຶ້ກີບ, ເທົ່າກັບ34.76%ຂອງແຜນການປີ 2. ເພີ່ມຄວາມຮັບຜິດຊອບປະຕິບັດໜ້າທີ່: ຄວາມຮັບຜິດຊອບທາງດ້ານການເມືອງ ແລະ ຄວາມຮັບຜິດຊອບທາງດ້ານກົງຈັກບໍລິຫານ. 3. ເພີ່ມຄວາມສາມັກຄີແກ້ໄຊບັນຫາຄວາມຫຍຸ້ງຍາກຂອງເມືອງ: ເອົາໃຈໃສ່ປຸກລະດົມສະມາກຊິກພັກ, ລັດຖະກອນ, ຮ່ວມແກ້ໄຂບັນຫາຢ່າງມີແບບແຜນ, ມີການຈັດຕັ້ງແບບສູນລວມ, ມີການບັນຊາຊີ້ນຳ, ແກ້ຂໍ້ຫຍຸ້ງຍາກຂອງພາກທຸລະກິດ.

ວຽກງານ 3 ຂະບວນການແຂ່ງຂັນ:  ສ້າງຂະບວນການເຮັດອະນາໄມຕາມເສັ້ນທາງໃຫຍ່, ທາງຮ່ອມ ແລະ ບ້ານເຮືອນໃນຊົ່ວໂມງວຽງຈັນສະອາດທຸກໆວັນພຸດ ຕອນເຊົ້າ ເວລາ 05:00-06:00 ໂມງ ຈໍານວນ 14 ເທື່ອຄັ້ງ ມີຜູ່ອອກແຮງງານທັງໝົດ 1,736/1,120 ຄົນ ແລະ ສ້າງຂະບວນການອອກອແຮງງານວັນເສົາແດງ ໄດ້ 20 ຄັ້ງ ມີຜູ່ອອກແຮງງານທັງໝົດ 8,225/5,820 ຄົນ. ວຽກງານໂຍທາ ໄດ້ກ່າວຕັກເຕືອນການຂາຍເຄື່ອງຊະຊາຍຕາມແຄມທາງ 75 ຄັ້ງ, ກວດພົບປ້າຍໂຄສະນາເສົາຕັ້ງບໍ່ມີອະນຸຍາດ 30 ປ້າຍ, ເທີບເງີບບໍ່ມີອະນຸຍາດຕາມເສັ້ນທາງ 11 ບ່ອນ, ຜ້າກັ້ງແດດ 41 ອັນ ແລະ ກອງຫີນ-ກອງຊາຍ 03 ຈຸດ. ວຽກງານວັດທະນະທຳ-ທ່ອງທ່ຽວ: ສືກສາອົບຮົບກ່າວເຕືອນບັນດາຮ້ານກິນດື່ມທີ່ເປີດເພງລົບກວນບ້ານຂ້າງຄຽງ ຈຳນວນ 14 ຮ້ານ, ຮ້ານທີ່ຕິດຕັ້ງໄຟແສງຍິບບັບໃຫ້ປົດອອກ 15 ຮ້ານ.IMG 20180704 WA0012IMG 20180704 WA0009IMG 20180704 WA0010