“ສ້າງເມືອງສີສັດຕະນາກ ໃຫ້ເປັນເມືອງທີ່ມັ່ງຄັ້ງເຂັ້ມແຂງ, ຮັ່ງມີ ຜາສຸກ, ມີຄວາມສະຫງົບ, ໜ້າຢູ່, ວັດທະນາທຳລ້ຳຄ່າ, ປະຊາຊົນປອງດອງ”

ຈຳນວນຜູ້ເຂົ້າຊົມ

28021
ມື້ນີ້
ມື້ວານນີ້
ອາທິດນີ້
ອາທິດກ່ອນ
ເດືອນນີ້
ເດືອນກ່ອນ
ລວມທັງໝົດ
48
40
341
27424
937
1310
28021

ດາວໂຫລດ

ແບບຟອມຕ່າງໆ

ໂປຣແກຣມ

ເຊື່ອມຕໍ່ກັບເວັບໄຊອຶ່ນ

weblink2

IMG20180330084906ໃນ​ວັນ​ທີ 30 ມີນາ 2018 ເມືອງ​ສີ​ສັດຕະ​ນາກ​ໄດ້​​ເປີດ​ກອງ​ສະຫລຸບວຽກງານ ຫັນລົງກໍ່ສ້າງຮາກຖານ ຕິດພັນກັບວຽກງານ 3 ຫລຸດ 3 ເພີ່ມ ແລະ 3 ຂະບວນການ ຂອງເມືອງສີສັດຕະນາກ ໄລຍະ 3 ເດືອນຕົ້ນປີ 2018 ​​ເຊິ່ງຈັດ​ຂື້ນ​ທີ່​ສະໂມສອນ ວິທະຍາໄລ ເຕັກນິກຊັບພະວິຊາ ພາຍ​ໃຕ້ການ​ເປັນ​ປະທານຂອງ​ທ່ານ ​ໂພ​ຄຳ ​ໄຊ​ຍະ​ສອນ ກຳມະການ​ພັກ ນະຄອນຫລວງ​ວຽງ​ຈັນ, ​ເລຂາ​ພັກ​ເມືອງ, ​ເຈົ້າ​ເມືອງສີສັດຕະ​ນາກ, ໂດຍເປັນກຽດເຂົ້າຮ່ວມຂອງທ່ານ ລາດຊະນີວົງ ອະມາຣາທິທາດາ ຄະນະປະຈໍາພັກນະຄອນຫລວງວຽງຈັນ, ປະທານກວດກາພັກ, ຫົວໜ້າພະແນກກວດກາລັດ ແລະ ຕ້ານການສໍ້ລາດບັງຫລວງ ແລະ ເປັນຜູ້ຊີ້ນຳເມືອງສີສັດຕະນາກ ໄດ້ມີຫົວໜ້າ​ຫ້ອງການອ້ອມຂ້າງ, ພະນັກງານກໍ່ສ້າງຮາກຖານຕາມວິຊາສະເພາະ ​ແລະ ນາຍບ້ານ 37 ທົ່ວ​ເມືອງ ເຂົ້າ​ຮ່ວມ​ທັງໝົດ   92 ທ່ານ , ຍິງ 20 ທ່ານ.

ທ່ານ ພອນ​ສິນ​ ສາ​ວະລີ ຫົວໜ້າ​ຫ້ອງ​ວ່າການ​​ເມືອງ​ສີ​ສັດຕະ​ນາກ ​ໄດ້​ຂື້ນ​ຜ່ານ​ບົດ​ສະຫລຸບວຽກງານ ຫັນລົງກໍ່ສ້າງຮາກຖານ ຕິດພັນກັບວຽກງານ 3 ຫລຸດ 3 ເພີ່ມ ແລະ 3 ຂະບວນການ ຂອງເມືອງສີສັດຕະນາກ ໄລຍະ 3 ເດືອນຕົ້ນປີ 2018

IMG20180330084613ວຽກງານ 3 ຫລຸດ: 1. ຫລຸດຜ່ອນບັນຫາຢາເສບຕິດ ສາມາດມ້າງຄະດີຂາຍ ແລະ ມົວສຸມຢາເສບຕິດ 36 ລາຍ, ກັກຕົວ 53 ຄົນ, ຍິງ 07 ຄົນ ສາມາດຢຶດຂອງກາງ ຢາບ້າໄດ້ 9,699 ເມັດ ແລະ ໂທລະສັບ 12 ໜ່ວຍ, 2. ຫລຸດຜ່ອນອຸປະຕິເຫດຕາມທ້ອງຖະໜົນ ແລະ ຄວາມແອອັດ ໄດ້ສຸມໃສ່ລະບາຍການສັນຈອນຕາມເສັ້ນທາງສາມແຍກ, ສີ່ແຍກ ແລະ ເສັ້ນທາງທີ່ມີຄວາມສັບສົນ ໃນຊົ່ວໂມງເຂົ້າການ-ເລີກການ ໃຫ້ມີຄວາມສະດວກຫລຸດຜ່ອນຄວາມແອອັດ. 3. ຫລຸດຜ່ອນ ແລະ ຕ້ານອັກຄີໄພ ລົງໂຄສະນາວຽກງານປ້ອງກັນ ແລະ ສະກັດກັ້ນອັກຄີໄພ ພ້ອມກັນນັ້ນກໍ່ໄດ້ກວດກາການນຳໃຊ້ບັ້ງມອດໄຟສຳເລັດ 01 ບ້ານ ມີບັ້ງມອດໄຟ 80 ບັ້ງ, ຍັງບໍ່ມີ 40 ບັ້ງ, ພົບເຫັນເຮືອນທີ່ມີຄວາມສ່ຽງອາດເກີດອັກຄີໄພ 2 ຫລັງ ໄດ້ເຮັດບົດບັນທຶກສຶກສາອົບຮົທ, ມອບໃຫ້ບ້ານຊຸກຍູ້ ແລະ ຕິດຕາມກວດກາ.

IMG20180330085346ວຽກງານ 3 ເພີ່ມ: 1. ເພີ່ມລາຍຮັບ ໄດ້ສຸມໃສ່ລົງກວດກາໄລ່ລຽງເກັບລາຍຮັບນຳບັນດາຫົວໜ່ວຍທຸລະກິດ ທີ່ມີລາຍຮັບເກີນ 400 ລ້ານກີບ/ປີ ເສຍອາກອນແບບມອບເໝົາ, ພ້ອມກັນນັ້ນກໍ່ໄດ້ຊຸກຍູ້ປຸກລະດົມໃຫ້ເຂົ້າສູ່ລະບົບ ອມພ ຫລື POS ເປັ້ນຕົ້ນແມ່ນບັນດາໂຮງແຮມ, ຮ້ານອາຫານຂະໜາດໃຫຍ່, ຮ້ານມິນິມາເກັດ, ຮ້ານຂາຍເຄື່ອງໃຊ້ໄຟຟ້າ, ຮ້ານຂາຍເຄື່ອງກໍ່ສ້າງ, ຮ້ານຕົບແຕ່ງປະດັບຍົນ ແລະ ຂາຍອາໄລ່ພາຫານະ, ຮ້ານ ຫລື ສູນຂາຍໂທລະສັບ, ຮ້ານຂາຍພາຫະນະຕ່າງໆ ແລະອື່ນໆ... 2. ເພີ່ມຄວາມຮັບຜິດຊອບປະຕິບັດໜ້າທີ່: ຄວາມຮັບຜິດຊອບທາງດ້ານການເມືອງ ແລະ ຄວາມຮັບຜິດຊອບທາງດ້ານກົງຈັກບໍລິຫານ. 3. ເພີ່ມຄວາມສາມັກຄີແກ້ໄຊບັນຫາຄວາມຫຍຸ້ງຍາກຂອງເມືອງ: ເອົາໃຈໃສ່ປຸກລະດົມສະມາກຊິກພັກ, ລັດຖະກອນ, ຮ່ວມແກ້ໄຂບັນຫາຢ່າງມີແບບແຜນ, ມີການຈັດຕັ້ງແບບສູນລວມ, ມີການບັນຊາຊີ້ນຳ, ແກ້ຂໍ້ຫຍຸ້ງຍາກຂອງພາກທຸລະກິດ.

IMG20180330084633ວຽກງານ 3 ຂະບວນການແຂ່ງຂັນ: 1. ຂະບວນການຈັດສັນຄວາມບໍ່ເປັນລະບຽບຮຽບຮ້ອຍໃນຄົວເມືອງ: ວຽກງານໂຍທາ-ຂົນສົ່ງ ແລະ ຄບຕ: ສ້າງຂະບວນການເຮັດອະນາໄມຕາມເສັ້ນທາງໃຫຍ່, ທາງຮ່ອມ ແລະ ບ້ານເຮືອນໃນຊົ່ວໂມງວຽງຈັນສະອາດທຸກໆວັນພຸດ ຕອນເຊົ້າ ເວລາ 05:00-06:00 ໂມງ ຈໍານວນ 14 ເທື່ອຄັ້ງ ມີຜູ່ອອກແຮງງານທັງໝົດ 1,736/1,120 ຄົນ ແລະ ສ້າງຂະບວນການອອກອແຮງງານວັນເສົາແດງ ໄດ້ 12 ຄັ້ງ ມີຜູ່ອອກແຮງງານທັງໝົດ 4,215/2,720 ຄົນ. ວຽກງານໂຍທາ ໄດ້ກ່າວຕັກເຕືອນການຂາຍເຄື່ອງຊະຊາຍຕາມແຄມທາງ 19 ບ່ອນ, ແນະນຳໃຫ້ທາສີຮົ້ວກຳແພງ 01 ບ່ອນ, ກວດພົບປ້າຍໂຄສະນາເສົາຕັ້ງບໍ່ມີອະນຸຍາດ 30 ປ້າຍ, ເທີບເງີບບໍ່ມີອະນຸຍາດຕາມເສັ້ນທາງ 11 ບ່ອນ, ຜ້າກັ້ງແດດ 41 ອັນ ແລະ ກອງຫີນ-ກອງຊາຍ 03 ຈຸດ. ວຽກງານວັດທະນະທຳ-ທ່ອງທ່ຽວ: ສືກສາອົບຮົບກ່າວເຕືອນບັນດາຮ້ານກິນດື່ມທີ່ເປີດເພງລົບກວນບ້ານຂ້າງຄຽງ ຈຳນວນ 14 ຮ້ານ, ຮ້ານທີ່ຕິດຕັ້ງໄຟແສງຍິບບັບໃຫ້ປົດອອກ 15 ຮ້ານ.

2. ຂະບວນການເປັນເຈົ້າພາບຕ້ອນຮັບປີທ່ອງທ່ຽວລາວ 2018: ສົມທົບກັບອຳນາດການປົກຄອງບ້ານ, ເຖົ້າແກ່ແນວໂຮມປັບປຸງຄຸ້ມຄອງສະຖານທີ່ທ່ອງທ່ຽວ ວັດສີເມືອງ ເຊີ່ງສະຖານທີ່ດັ່ງກ່າວກໍແມ່ນຈຸດໜື່ງທີ່ສຳຄັນທີ່ນັກທ່ອງທ່ຽວທັງລາວ ແລະ ຕ່າງປະເທດເຂົ້າສັກກະລະບູຊາເປັນຈຳນວນຫລວງຫລາຍ.

3.ຂະບວນການແກ້ໄຂປະກົດການຫຍໍ້ທໍ້ໃນສັງຄົມຕ່າງໆ: ການແກ້ໄຂປະກົດການຫຍໍ້ທໍ້ກໍໄດ້ເອົາໃຈໃສ່ຢ່າງຕັ້ງໜ້າ ໂດຍມອບໝາຍໃຫ້ພາກສວ່ນທີ່ກ່ຽວຂ້ອງທາງດ້ານກົດໝາຍໂດຍສະເພາະຝ່າຍຕຸລາການ, ກຳລັງປ້ອງກັນຄວາມສະຫງົບຂອງເມືອງ ໂຄສະນາເຜີຍແຜ່ກົດໝາຍ ແລະ ນິຕິກຳຕ່າງໆລົງສູ່ພໍ່ແມ່ປະຊາຊົນ ໃນ 3 ເດືອນຜ່ານມາມີສະພາບເກີດຂື້ນ 61 ເລື່ອງ, ທຽບໃສ່ 3 ເດືອນຕົ້ນປີ 2017 ຫລຸດລົງ 19 ເລື່ອງ ເທົ່າກັບ 31,14 % ແກ້ໄຂໄດ້ 02 ເລື່ອງ ເທົ່າກັບ 34,42% ແລະ ກັກຕົວມາດຳເນີນຄະດີ 11/01 ຄົນ, ເກັບກູ້ຂອງກາງເປັນເງິນ 104,000,000 ກີບ, ເງິນບາດ 427,000 ບາດ, ເງິນໂດລາ 33,800 ໂດລາ, ລົດເກັງ 01 ຄັນ, ລົດຈັກ 13 ຄັນ, ປືນສັ້ນ 02 ກະບອກ ແລະ ລູກປືນ 23 ລູກ.